Afghanistan Ah Bomb A Puak Thawnglatu Minung 9 An Thi, 50 Nak Tlawmlo An I Hliam

0

Salai Aung Aung| 2018 May 1| Afghanistan ram khuahlipi Kabul ah nunnak thap in ralhrang nih nizan (April 30) ah voihnih tiang bomb an puah caah thawnglatu minung 9 tel in minung 26 an thi i thawnglatu 5 tel in minung a tlawmbik 50 tluk hliam an tong.

Hihi Afghanistan ram cung i voikhat te ah thawnglatu tambik an thih a si i IS ralhrang pawl hi kanmah tuah mi a si tiah an chim .
A thi mi thawnglatu lak ah hin nu pahnih an i tel. Kabul khuapi i AFP hmanthlak thawnglatu lutlai pakhat zong a thi tiah AFP nih an chim. EU lei in RFE minung pa 2 le nu pakhat cun anmah Afghanistan in 1TV ah thawnglatu pahnih an i tel.

Afghanistan cozah le thil a can lio a hmutu pawl nih, Cawn nikhat zing ah khan minung an chah lio caan te ah motor cycle in pakhat pa a ra i Afghan Ngiathlaitu zung pawng a phak ah amah tein a bomb cu a puah tiah an chim. A voikhatnak a puah bak in michanhtu pawl nih bawmh ding in an zuan hnawh hna lio ah khin thawnglatu bantuk in aa thuammi pakhat a ra i cu nih cun a pum cungah aa chiahmi bomb a puah ve than. Avoi hnihnak a puak mi ah khan aa hliam mi le a thi mi an tam.
Ref: VOA

About The Author

Na ruahning rak langhter ve.. (Leave a comment)

%d bloggers like this: