Avoi 25nak Chin Christian University Graduation Ah Minung 117 Degree An La
City Hunter| 2018 Marcdh 18| Avoi 25nak Chin Christian University (CCU) graduation peknak ah siangngakchia 117 nih degree an lak. Award phun phun 11 peknak zong an ngei. Graduation cu Marcdh 18 chun, Hakha Baptist Church ah an tuah.
Tukum degree a lami siangngakchia hna cu; Master of Divinity in minung 3, Bachelor of Theology in minung 2, Bachelor of Ministry in minung 18, Diploma in Theology in minung 19, Bachelor of Arts in English Language Studies in minung 6, Bachelor of Business Administraion in minung 12, Diploma in English Language Studies in minung 19, Diploma in Business Administration in minung 38, an zapi minung 117 an si.
Tukum ah CCU nih award phun 11 in a ngahtu hna cu; 1). David Van Bik award ah Joseph le Aye Chan May nih an ngah. 2). CACC award ah Esther, 3). CCU award ah Tha Kip Sung, 4). HBA award ah Biak Hlei Sang, 5). Hornbill award ah Iang Hlei Par, 6). Alumni award ah Esther, 7). 17 Friends Forever award ah Dawt Tha Sung, 8). M Div First Batch award ah Soe Min Naung, 9). Hrangzel-Kim award ah Sui Tin Yi, 10). 2016 Class BAE award ah Van Siang Par, 11). Tial Fam Bor award ah San Htoo Aung nih an ngah.
CCU cu 1990 kum in rak thawkmi a si. Nihin graduation hi avoi 25nak degree an i pek ni a si. CCU aa thawkka in 2018 tiang degree a la cangmi hi Dip Th in 356, B.Th in 404, BRE in 144, BAE in 190, M.Div in 51, B.Min in 24, BBA in 15, Dip Eng in 18, Dip BA in 76, an zapi 1279 an si cang.
CCU ah caantling siangcachimtu (Teaching faculty) hi 21 an si. Working staff hi 10 an si. Contract staff hi 2 an si. Lamhlat sianginn kai liomi hi pahnih an si. Caanlaak in riantuantu hi 21 an si. Atu lio CCU President cu Dr. Henry Siang Kung a si.
CCU ah scholarship a ngahmi hna cu;
1. Johnson Memorial Scholarship
2. Chin Christian University Scholarship
3. David Van Bik Foundation Scholarship
4. Chin Baptist Churches, USA
5. CEBC, Indiapolis, USA
6. Friends of Myanmar Governing Board
7. Rev. & Mrs. Thlaawr Bawihrin Scholarship an si.
CCU zung pehtlaihnak ; 070-21339, ccuhakha@gmail.com a si. CCU website cu www.ccu.edu.mm a si.
About The Author
