Champhai Delete Kawhhran Bu Hruaitu Pawl Hngakchia Covo Humhimnak Nih An Kawhauh Hna
Salai Mangpau | 2023 August 12 — Mizoram, Champhai khuapi, Zotlang sang a um Delete Kawhhran bu hruaitu pawl cu hngakchia sianginn an kaiter lo ruang ah Mizoram hngakchia covo humhimnak zung nih August ni (9) ah an kawhton hna tiah Zalen-Chin Edition nih a langhter.
Delete Kawhhran bu zumhnak an kal pi mi phunlam cu vawleicung chanthar thilri man sang pawl hman lo in delete vial ding ti a si. Phone, Electric, Gas bantuk hmang lo. An bu chungtel inn 8 hrawng cu Zotlang i an bu lubik inn ah hmunkhat ah an um dih hna i kum 18 tang hngakchia minung 25 an um ti a si.
Mizoram hngakchia covo humhimnak zung nih cun hngakchia covo buar a si tiah an ti caah cozah phungning bang in dantat khawh an sinak kong an chim.
About The Author
