Chin Mino Pahnih Rithaisii Le Dollar Tampi He India Palek Nih An Tlaih Hna
TCP-Hakha| 2019 March 25| March 23 ah India Palek nih Chin mino pahnih cu Rithaisii le dollar tampi he Guwahati ah an tlaih hna tiah kan theih.
Rithaisii le dollar tampi he India palek nih an tlaihmi hna hi Golianmung kum 21 le Thang Piang kum 19 an si. Golianmung hi Singdolium fapa a si. Thang Piang hi Dim Cinh fapa a si. An kutcung bak ah palek nih an tlaihmi dollar hi USD 540,000 le rithaisii an si. Dollar an tlaihmi hi India tangka in cun Rs. 37,800,000 hrawng a si. Guwahati Railway Station platform No.2 ah an tlaih hna.
Hlathlainak an tuah lioah an tlaihmi minung pahnih nih an chim ning ah cun West Bengal i JRS tlanglawng (Jalpaiguri Railway Station) dinhhmun ah Saraighat Express in an kal hnu ah Guwhati tlanglawng in Manipur lei cu bus in an kal than tiah an chim.
Mah hna pahnih cu atu hi Custom lei nih cithlatnak tuah chap dingin an hren lio a si.
Ref: Northeast Now
About The Author
