Chin Party Pathum Fonhnak Ding September 29 Biahrennak (Sar-choh) An Tuah Cang Lai
TCP-Online| 2018 September 27| Chin party pathum CNDP, CLD le CPP hna cu September 29 (niruk ni) ah party pakhat ah i fonhding timi lungtlin biahrennak (sar-choh) an tuah cang lai tiah theih a si.
“2018 caan karlak thimnak chungah aa zuamding kan si i mizapi zong teinak hmuh piak hna u si law Hluttaw chungah Chinmi phun ka konglam hi thuk piin luhpi ding le rampi huap zongin Chin party pathum i fonh hmasa i a dang a tangmi zong nih a kan zulh dawi lai. Tlangcung mi hna he tanrual ti i aw khat tein kan ram caah thanchonak rian pin ah kan covo le biaknak kongkau lei zong siseh thathnemnak tampi a chuahpi lai i cakdeuh in kar kan hlang kho lai tiah ruahnak ka ngei tiah.” CCP Chairman Pu No Than Kap nih a chim.
“2010 kum thimnak lio zongah kan bochan mi hna cu mizapi kha an si ko caah mizapi lei in an kan cak ngai. A ruangcu Chin Party lawng te nan si ko mi ah zei deuh dah mee kan pek lai timi kan i fian lo caah midang tu mee kan pek hna e an ti. Kha lio bantuk a si tinak hnga lo kan rian kan tlamtlinh a herh ngai.” tiah Pu No Than Kap niha chim.
Tutan i fonhnak ding hnatlaknak biahren tuahnak ni le caan ah Chin ramkulh peng pakua chungin tuanvo ngeitu upa hna le thawngla tu hna zong sawm an si lai tiah theih a si.
Ref: Chin World
About The Author
