Chin Ramkulh Chung Ah H1N1 Zawtnak Hrik Ngeimi 18 An Si Cang

Salai Cung Cung|2019 July 23| 2017 Chin Ramkulh Chung Ah H1N1 Zawtnak Hrik Ngeimi 18 An Si Cang in 2019 June 30 tiang Chin ramkulh chung ah H1N1 zawtnak hrik ngei an hmuhmi minung 18 an si cang. Asinain H1N1 zawtnak in a thimi an um rih lo tiah Chin ramkulh ngandamnak zung in kan theih.

2017 Chin ramkulh chung ah  H1N1 zawtnak a ngei ti zumhmi hi minung 68 an si.  Test kit in chekfel mi pawl hi minung 17 an si. H1N1 zawtnak hrik a ngei ti in hmuhmi hi minung 14 an si. A thimi an um lo. 2018 Chin ramkulh chung ah H1N1 zawtnak hrik a ngei ti zumhmi hi minung 207 an si.  Test kit in chekfelmi hi minung 14 an si. H1N1 zawtnak ngei ti hmuhmi hi 4 an si. 2019 June 30 tiang Chin ramkulh chung ah H1N1 zawtnak a ngei ti zumhmi hi minung 96 an si. Test kit in chekfelmi hi minung 5 an si. H1N1 zawtnak hrik ngei ti hmuhmi an um lo tiah Chin ramkulh ngandamnak zung cazin ning in kan theih.

2017 in 2019 June 30 tiang Chin ramkulh ah H1N1 zawtnak hrik hmuhmi zapi hi minung 18 an si. H1N1 zawtnak hrik a ngei ti zumhmi zapi 371 an si, Test kit in chekfelmi zapi 36 an si i a thimi an um lo tiah kan theih.

Chin ramkulh chung ah Diarrhoe (chungtlik) zawtnak cu minung 14369 chung ah minung 11 an thi. ARI (namunia) zawtnak in minung 5422 chung ah 60 an thi. Malaria (raifanh) zawtnak in minung 2266 chung ah minung 7 an thi. Dysentery (Thisen chungtlik) zawtnak in minung 1694 chung ah minung 2 an thi. Smear Positiver (new)  (TB) tibantuk zawtnak in minung 126 chung ah minung 1 a thi cang tiah Chin ramkulh ngandamnak zung in kan theih.

Chinram Ah HIV Zawtnak Ngei Mi 122 An Si I Tedim Peng A Tambik

 

Na ruahning rak langhter ve.. (Leave a comment)

%d bloggers like this: