Chin ramkulh Thlanglei, Peng 4 In Daai Miphun Pawl An I Fonh
The Chinland Post | 2024 May 30 — Chin ramkulh thlanglei Kanpetlet, Mindat, Matupi, le Paletwa peng um Daai miphun pawl an i fonh ṭhan cang i Daai Regional Council an dirh tiah a voikhatnak Daai Regional Council Conference, May 29 ah cathanh an chuah.
Chinland Defense Force – Daai zong ser ṭhan ding le thazang funtomnak ca ah a si tiah Daai Regional Chairman Salai Aung Min nih RFA ah a chim.
“Peng kip ah a um mi Daai Battalion pawl cu Chinland Defense Force-Daai ah i fonh dih in thazang kan dirh ṭhan hi a si, CDF-Daai nih hmuitinh aa khat mi dothlennak phu pawl he bawm in hramhram uknak a dongh tiang kan doh lai” tiah a chim.
A voikhatnak Daai Regional Council Conference cu 2024 May 16 le May 17 ah Daai hmunhma pakhat ah an tuah.
Cu Conference ah Kanpetlet, Mindat, Matupi, Paletwa peng in Daai khuami palai pawl, mipi uknak phu pawl, hriamtlai pawl, a hlei in sawm mi pawl tiah palai 200 leng an kai kho tiah theih a si.
About The Author
