Chinmi Fimcawnnak Thlenremhnak Kong Ceihhmainak An Ngei Lai

Salai Josephbawi|Sept 26| Foster Education Foundation le E-Education (Japan NGO) ibawm in Hakha um siangsangrun (4) lakah English, Physic, Chemistry, Math ca a chimmi Saya/mah te hna he Chin fimcawnnak thlenmernak kong (the First Chin Education Change Maker Workshop) September 27, 2018 Chin ramkulh fimcawn Tawlrelnak zung Taungzalat Hall ah ceihhmai biaruahnak an ngei lai.

โ€œTutan Seminar kan tuah hnawh chan cu Laimi thanchonak caah fimcawnnak a biapitnak, fimchimtu sayate zeitluk dah kan biapit, cun Kawlram milu a tlawmbikmi Chin ram nih tanghra awn theitlai (result) tambik hmu usih tihi saduhthahnak in kan tuahmi a si. BEHS No.4 he zong rian kan tuanti cuahmah i Video in cacawnnak lawng silo in zeitindah cawnning kan hman lai (Learning Method) zong kan hman khawhnak hnga kan tawlrel cuahmah.

Tutan ceihhmainak ah 1. Saya/mah te nih fimcawnnak a thlengtu (change maker) kan si ti an theih khawhnak 2. Tanghra cacawnning cauk aa thlengmi cungah hmuhning chimrelnak hna kan ngei laiโ€ tiah Foster Education Foundation Executive Director Salai Joseph Bawi Vung Thang nih The Chinland Post ah a chim.

Foster Education Foundation le E-Education (Japan NGO) ibawmh in Hakha Siangsangrun (BEHS) No.4 ah riantuan hram kan thok i Fimcawnnak a herhmi thilri hmanning, E-Education Project Video hna hmang in Mark 60-80 a tlawmbik an hmuh khawhnak hnga timtuahnak ngei cuahmah a si tiah theih a si.

Chin ramkulh fimcawn tawlrelnak zung (Chin State Education Department) he kaphnih theithiam hnatlaknak (Mutual Agreement of Understanding_ MoU) sign dingin timh tuah a si i Union nih cun a cohlan cang, caan tlawmpal ah theihthiam hnatlaknak lak in kaupi riantuan ding zong an itim tiah theih a si.

Foster Education cu 2015 May ah Fimcawnnak thlenremh ding thapek in dirh a si i Fimcawnnak Video, internet lei thiamnak (ICT_Cyber Security), fimcawnnak ah theih a herhmi ngalhnak_Carup tbk le tanghra a awngka mi nih zei bantuk thiamnak le cawnnak dah kan ngah khawh lai ti aa zuam cuahmah mi bu a si.

E-education (Japan) cu 2010 Bangladesh ram ah Japan riancawn a kalmi an pu nih a thokmi a si. Vawlei cung ramkip, abik in khuapi he aa hlatnak sifak hmunhma hla minung nih fimcawnnak tha (quality education) an ngah khawhnak caah aa zuam mi a si. 2013 ah Kawlram um Foster Education Foundation he rian kan thok ti. Philipine, Nephal, Myanmar le Bangladesh hna ah riantuannak an ngei. +++

Na ruahning rak langhter ve.. (Leave a comment)

%d bloggers like this: