Chinram Cozah Sin In Paletwa Hartong Le Ralzaammi Caah Bawmhnak Pekmi Sing 2000 Renglo A Chuak

Salai Cung Cung|2019 July 26| Chin ramkulh Paletwa peng kokek hartongmi le ralzaam hna caah Chin ramkulh cozah sin in bawmhnak tangka a chuak (a lutmi) zapi hi Kyats 225,734,002 (sing 2000 renglo) cu Chin ramkulh cozah nih Paletwa peng ah va kal in bawmhnak an va pek hna tiah kan theih.

Paletwa peng kokek hartongmi hna le ralzaam hna caah bawmhnak petu hna cu; Ishikawa Company in Kyats 10,300,000 (sing 100 renglo), Ramri runvennak zung in Kyats 83,923,000 ( sing 800 renglo), Rung Family Company in Kyats 5,000,000 (sing 50), Chin ramkulh cozah bu (0503) in 30,000,000 (sing 300), Chinram innsaknak le tender in company hna sin in hlutmi Kyats 2,850,000 (sing 28 renglo), Rual U phu bawmhnak in Kyats 3,500,000 (sing 35), Chin Mother company in Kyats 500,000, Chin ramkulh kokek harnak chawva (fund) in Kyats 5,000,000 (sing 50), Mi Bawmhchanhnak Hmnhma Pekthannak zung in Kyats 84,661,002 (sing 800 renglo) a si,  bawmhnak hmuhmi a zapi 225,734,002 a si tiah Chin ramkulh cozah zung cazin ning in kan theih.

“Hi bawmhnak pekmi pawl cu Chin ramkulh Paletwa peng lei ah Chin ramkulh Chief minister Salai Lian Luai telh in tuanvo ngeitu hna a dang dang nih an va pek hna” tiah Chin ramkulh cozah zung in Deputy Director Aung Zaw Htet nih The Chinland Post ah a chim.

Hi bawmhnak pekmi hna cu Company, cozah zungthen, khua tibantuk nih Chin ramkulh cozah sin in bawmhnak an pekchanhmi chawva a si. Cu bawmhnak pekmi tangka cu Chin ramkulh cozah nih cohlan piaknak ngeih hnu ah Paletwa peng lei ah bawmh ding in Chin ramkulh cozah pawl an kal hi a si. Chin ramkulh Chief Minister Salai Lian Luai he tuanvo ngeitu upa hna cu Paletwa peng kokek harnak le ralzaam mi bawmhnak pek ding ah Paletwa peng chung ah an caam liopi a si rih ko tiah kan theih.

Na ruahning rak langhter ve.. (Leave a comment)

%d bloggers like this: