Thantlang Peng USDP Party Chungtel Mithar 202 Cohlannak An Tuah
Salai Elvis| 2018 June 16| June 15, ah Thantlang peng chungin USDP party ah a lutmi mithar minung 202 cohlannak an tuah tiah kan theih.
USDP chungtel thar ah a lut mi hna cu Lautu peng in minung 34, Mara 12, Nitlak Zophei 14, Vailam tlang 24, Thantlang khuachung sangthen No.1 ah 44, No. 2 ah 66 le No.3 ah minung 8 an zapi 202 hi chungtel thar ah a lut i cohlannak an ngeihmi hna an si.
“Atu cohlannak kan ngeihmi hna hi khuachung mi le motor/cycle a kal khawh deuhnak khua kha thim an si I khuakomh 6 ah mah vial hi chungtel thar ah a lutmi an si. USDP party chungtel thar cazin ah a lutmi kan tuak tikah hin minung 1426 an si. Hi chungah hmat-pung-tin a ngei i 2019 in kum 18 a tling hnga ding mi pawl telh chih le kan party a si i kan nu/pa deuh a si mi party chungtel tling sinak Card a ngei rih lo mi hna he fonh in mah vialte kha cazin ah kan hmuh khawh mi an si. Lam le sul a that deuh in khuakip ah kal kan i zuam than lai” tiah Thantlang peng USDP Chiarman Pu Zo Peng nih mizapi sinah chimfiannak a ngeih.
Hi ton biaruahnak ah ramkulh USDP Chiarman MP Dr. Hmuh Thang le Thantlang peng Ramkulh Hluttaw No.1 MP Pu Van Thawng nih forhfial biachimnak an ngeih hna. Mah ni ah tonak a rak chuak kho mi 208 renglo cu USDP party lukhuh pakhat cio pek an si. A tu lio Thantlang pengah USDP party chungtel minung 5000 renglo an um tiah theih a si.
About The Author
