COVID-19: Oxford Univ. nih a Pulrai khamnak sii an hmuh chuah cang
Salai Tluangkipthang – Vawleicung sianghleirun tha bik pakhat simi University of Oxford nih coronavirus (COVID-19) rai khamnak (damhnak) sii an hmuh cang tiah BBC nih a thanh.
Oxford nih hmuhmi COVID-19 pulrai khenkhamnak (damhnak) sii an ser chuahmi cu minung ngandamnak caah hnursuannak umlo tein hman khawh a si lai.
Rai sii thar chuahmi hi Minung caah him tein hman khawh dingmi a si.
Oxford University nih COVID-19 damhnak (rai khamnak) sii an ser chuahmi hi minung 1,077 sin ah hneksaknak (test) an tuahnak ah si thar nih minung pumchung COVID-19 zawtnak rungrul a thah khawh. Cucaah, minung ah hman awk tha a si lai tiah ruahchannak nganpi an ngei.
UK cozah nih nuai 100 (million) leng chuahpiak ding in an cah (order) tiah BBC nih a tial.
Tutan an tuahmi COVID-19 pulrai khenkhamnak (damhnak) sii thar hi a that lo sual ah tiah, hi nak tha deuh in hlathlainak (kherhlainak) zong an tuah cuahmah tiah theih a si.
A hlei in, zei tluk in dah zawtnak in a huhphenh (protect) khawh lai timi zoh chunnak tuah in fak deuh in hlathlainak zong an peh zulh tiah a thanh.#