CPC Paih Special Zuamcawh Ah Mang Thawnh Lian Le Van Ram Awr An I Pai Lai

Salai Cung Cung |2019 March 18| Avoi 2nak CPC (Chinland Paih Championship) paih ah special zuamcawh ca i tangka Sing 5 thaapmi caah Zophei paih chimtu Mang Thawnh Lian @ Mang  Thawng Lian le Van Ram Awr an i paih lai tiah kan theih.

“Kei hi CPC nih paih cawnnak an tuahka tein ka rak cawn cang. Atu Van Ram Awr he i pai ding kan si caah timhtuahnak tampi ka ngei. Training zong tha tein ka tuah. Ka tei lai ti cu zumhnak ka ngei nain tei le tei lo tu cu Pathain kut ah a um” tiah Mang Thawnh Lian nih The Chinland Post ah a chim.

“Hi ka naupa hi aa paih ning ka zoh tik ah ka uar ngai. Tutan Vam Ram Awr he i paih ding ah hin 70% a tei lai tiah zumhnak ka ngei. Tu hi paih training tha tein a ngeih lio a si. Ka naupa Van Thawnh Lian hi Van Ram Awr nakin Pound 20 in a rit deuh, cun letmah 2 in a sang  deuh fawn. Cun anih hi Laitlang um Zophei pathawng lakah paih thiam bik a si. GYM zong a tuah peng cang” tiah CPC tawlreltu Salai Lungthli Tum nih The Chinland Post ah a chim.

CPC nih tuahmi a voi 1nak special zuamcawh paih ah Salai Lungthli Tum le Van Ram Awr an i pai i Van Ram Awr nih a tei. A tu a voi 2nak Paih ah Special zuamcawh paih ah Mang Thawnh Lian le Van Ram Awr an i pai than lai. Avoi 2nak CPC paih cu April 26-27 tiang, Khaikam Hall ah zing suimilam 7:00-12:00 tiang an tuah lai tiah kan theih.

Na ruahning rak langhter ve.. (Leave a comment)

%d bloggers like this: