Dr. Hmuh Thang: Pyithu Hluttaw In Cuh Ding Timi Thawng A hman Lomi A Si

Dr. Hmuh Thang

Chin ramkulh USDP ah Chairman a simi le atulio Thantlang Peng No. 2 in MP a tuan liomi Dr. Hmuh Thang nih Thantlang Peng Pyithu Hluttaw in cuh ding timi thawng hi a dik lomi a si tiah The Chinland Post ah a chim.

“Naypyitaw ah USDP meeting June 27 ah kan ngei lai. Pyithu Hluttaw zong ah ka sawkmi a si lo. Keimah nih ka theihmi a si ko. USDP Party meeting a dih in a fiang te lai. June 27 Meeting kan dih in June 30 ah Mindat ka phan lai i Chin ramkulh ka tlawng dih te lai. Mah a dih lawng in USDP Party in MP aa cuh ding palai pawl cazin a fiangte lai,” tiah The Chinland Post ah a chim.

The Chinland Post nih Dr. Hmuh Thang USDP in Pyithu Hluttaw ah cunglei nih i cuh ding in an fehter tiah Thantlang USDP upa pakhat chimhmi in kan tial.

“USDP nih cozah ser khawhnak biatak tein an izuam caah Pyithu Hluttaw le Amyotha Hluttaw in MP a thami cuhter an duh hna. Mah caah Dr. Hmuh Thang hi a tlin khawhnak thazaang a ngeimi a si caah USDP cunglei nih cun Pyithu asiloah Amyotha ah cuhter an duhmi cu a si,” tiah Thantlang in USDP chungtel nih a chim.

Dr. Hmuh Thang cu USDP in Pyine No. 2 ah cuhding in aa tim i, USDP cunglei zong ah Pyine No. 2 in cuhding ah ca chiahnak kong amah pumpak nih The Chinland Post ah a chim. Dr. Hmuh Thang cu USDP nih June 27 ah an auhmi Meeting kai ding ah Naypyitaw lei khual a tlawn cuahmah lio a si tiah kan theih.

Na ruahning rak langhter ve.. (Leave a comment)

%d bloggers like this: