Falam Khuachung Lam AC Nylon Kat-ta-za Phahhram An Thawk
Salai Elvis| 2019 March 15| Hakha-Falam-Kalay lam thlurpi meng 2 chung AC Nylon Kat-ta-za cu March 2 in phahhram an thawk cang tiah kan theih.
AC ka-ta-za cu Falam khau Tlanglo veng in an thok i motor lam thlurpi dihlak pe 21 kau in an phah cuahmah lio a si. Hi AC Nylon Kat-ta-za phahnak caah rampi cozah budget Ks. 775.257 dih in an phah hi a si. Falam lawng si lo in Tedim, Thantlang le Mindat khua hna ah an phah than lai.
A rauhhlan ah Thantlang khuachung zong ks. 7000 tluk dih in KM 1, Mindat khuachung zong KM pakhat le cheu le tukum chungthiam ah Hakha khuachung sii-inn lampi le hmaikum lei ah Cherry lampi zong an phah hna lai. Hakha khuapi chung sii-inn lam atu hi an phah cuahmah lio cang. AC Nylon Kat-ta-za 2017 January thlathok in Hakha khuapi chung lam an rak phah hmasa bik tiah kan theih.