Falam Nursing Training Kaimi Diploma Certificate Minung 65 An Pek Hna
Salai Elvis| 2018 November 6| Avoi 5nak tuahmi Falam Nursing Training School (NTS) sianginn a dihka mi hna cu Diploma Certificate minung 65 an pek hna tiah theih a si.
November 5, Falam khua Town Hall ah an tuah i Chin ramkulh Social Minister Pau Lun Min Thang zong nih a tel pi hna.
“NTS sianginn ah Convocation Hall sak cuahmah lio a si i hmaikum in cun Hall thar sak mi hman khawh a si cang lai” tiah Minister Pau Lun Min Thang nih a chim.
Falam khua Nursing Training School (NTS) sianginn cu 1993 kum July 1 an rak hunmi a si i tutan minung 65 telh in 2018 kum tiang ah sianginn a dihmi minung 1,125 tiang an phan cang.
Hi sianginn ah riantuantu ding 46 um ding asi nain minung 27 lawng an um. Kum 25 chung ah Chin miphun chungin Sayamakyi riantuan mi Pi Ci Khai pakhat lawng a um rih. Tukum in minung pahnih (Admin, Teaching) sayamakyi ah an chiahpiak than hna. NTS sianginn ah hin Thantlang, Hakha, Falam, Tedim le Kalay in a rami deuh an si.
Ref: Chinland Herald
About The Author
