Falam Peng Lungbang Khua Ah Inn Pahnih A Kaang

The Chinland Post| 2019 January 4| Kalay-Falam lampi cung ah a ummi Falam peng Lungbang khua ah January 3 zan suimilam 11:30 hrawng ah inn pahnih a kaang.

A kaangmi hna cu Kalay lei in Lungbang khualuhka khuabawi zung pawng Pi Hrang Za Maw inn le Lal Aw nu inn an si.

Lungbang khuami pakhat nih, “Mei kangh hram aa thawknak inn cu Lal Aw nu inn a si. Inn tang in kangh hram aa thawk i inn  ngeitu hna cu a cungdot i an ih ruang ah zan 11:30 hrawng lawng ah mei a kangh cu an hngalh. Nu pakhat thlalangawngka in a zuang i a ke pakhat aa kiah caah Kalay sii-inn ah an kalpi. Pakhat tu cu a kut pakhat le a pum tlawmte mei nih a kangh caah Falam sii-inn ah an kalpi” tiah a chim.

Photo: Sarah Rem

Ref: Zalen

Leave a Commnet

%d bloggers like this: