Lai Par Dawh Group Nih Thantlang Ngaktah Pawl Christmas An Tuahpiak Hna

Salai Elvis| 2018 December 11| December 9 (zarhpini) ah Thantlang khuacung um ngaktah zohkhenhnak hmun hnih MFOC le PCH hna cu avoithumnak LPD nih Christmas an tuahpiak hna tiah kan theih.

PCH le MFOC ngaktah hna i fonh in MFOC inn ah zinglei a can khatnak ah Pathian thangthat ti nak le chun ah nuamhnak phunphun an tuahpi hna pin ah Christmas laksawng le Lucky draw zong an pek in an tuahpi hna i zanlei sang ah rawldum ti nak an ngeih pi than hna.

Lai Pardawh Group cu 2014 kum hrawng ah hawikom a si i sianginn kai ti hawi hna an i funtomnak le i philh lonak caah tiin rak dirh mi a si. An mah le an si khawh tawk in tangka an i thawh cio mi chung in ngaktah mehhang rak cawk piak, khuachung thianhlimhnak caah hnawmbawm chiah, mino hna thanchonak pakhat a si mi pumpululh chuih (futsal) chuihnak le Christmas ni ah siizung um mi hna thazaang pek le laksawng peknak pin ah an mah chungtel in chiat ni that ni ah i zohkhenhnak tibantuk in a cawlcang ve mi bu an si hna. A tu lio ah ramchung ramleng he chungtel minung 60 leng an um hna tiah kan theih.

Na ruahning rak langhter ve.. (Leave a comment)

%d bloggers like this: