FBA Zung Innpi A Thar In Sak An Timh

TCP– Thantlang | 2018 September-9| Falam Baptist Association (FBA) zungpi cu a thar sak dingin a voi khatnak FBA EC Meeting ah biaceihnak an ngei i hmaikum chungah sak hram an thok lai.

“Tu tan kan ceih mi pawl cu Building Committee hna sin ah kan ap hna lai i an mah lila nih a herh mi le inn pungsan (Design) pawl zong an suai lai. Cun 2019 FBA Triennial ah mizapi hna sin ah theihternak le hmuhsaknak an ngeih dih in rian thok a si colh ko lai.” tiah FBA AGS nih a chim.

Avoi khat nak FBA EC Meeting cu September 4 ah FBA Hall ah an tuah i a bikin an ceih mi hna cu, FBA innpi a thar in sak ding, FBA Phone Directory tuah ding, ti lian harnaka tongmi hna Puu-karen hna bawmhnak ding caah Special Sunday October 14 ah tuah ding, 2019 kum FBA Triennial cu February 28 in March 3 tiang Lenliam Baptist Church ah tuah ding, MBC BM Meeting FBC ah 2019 January zarhhnihnak ah tuah ding timi biachahnak zong an ngei kho.

FBA chung ah Khrihfabu 119 le minung 19,460 leng an um i Pastor 109 an i funtomnak Association pakhat a si.

Ref: Chinland Herald

Na ruahning rak langhter ve.. (Leave a comment)

%d bloggers like this: