May 24, 2024

FIFA Nih World Cup Final Zoh Ding In Lungkua Chung Ah Aa Taapmi Ngakchia 13 A Sawm Hna

0

City Hunter| 2018 July 8| Thai lungkua chung ah zarhhnhi tluk aa taapmi Thai mino pumpululh phu 12 le an saya (coach) pa cu July 15 -Moscow khuapi ah tuahmi World Cup final ah rat ding in vawleicung pumpululh phu FIFA nih a sawm hna tiah Thailand ram pumpululh phuzik nih phungningte in facebook ah an langhter.

July 23 ah cu ngakchia 13 cu Tham Luang lungkua chung ah an lut i ti a luh ruang ah lungkua chung ah ni 10 tluk an i hreng. A ni 10nak ni ah Britain tilio thiam hna nih a nung in an hmuh than hna. Nihin (July 8) tiang lungkua chung ah aa taapmi ngakchia hna cu chanchuahnak rian an tuan cuahmah ko nain an chuah kho rih hna lo.

“Hi bantuk harnak an ton lio caan te ah kanmah lei nih hmurka in tha kan pekmi hna hi tlawmte tal daihnak le ralthatnak a pek hna lai timi kan i ruahchan. Zapi nih kan ruahchan hna bantuk in a rauh hlan ah hi ngakchia hna cu lungkua chung in leng ah an chuah khawh i chungkhar hna he an i ton khawh i an ngandamnak nih khualtlawng kho ding in an si cun World Cup final ah khual (guest) dirhmun in sawm khawh an si cun FIFA leikap in kan i lawm tuk ko lai” tiah Thailand ram pumpululh phu zik sin ah FIFA President Gianni Infantino nih ca a kuat.
Ref: FourFourTwo

About The Author

Na ruahning rak langhter ve.. (Leave a comment)

%d bloggers like this: