Miss & Mrs. Summer Global Myanmar 2019 Ah Sung Ki Nih Hakha Ai-awh In Winner A Ngah
The Chinland Post| 2019 July 3| June 24, Mandalay khuapi, Sakura Princess hotel ah tuahmi Miss & Mrs. Summer Global Myanmar 2019 zuamnak Rebecca Sung Ki nih winner a ngah tiah kan theih.
Rebecca Sung Ki hi Hakha peng, Dauchim khuami a si, atu cu Hakha ah a um cang. Amah hi Mandalay ah beauty parlour lei cawnnak a ngeih liopi ah atu bantuk in zuamnak ah a luh hi a si.
Hi kong he pehtlai in Rebecca Sung Ki nih, “Aa zuammi hi khuakip cio in kan zapi minung 40 renglo kan si. Aa zuammi zapi chung in minung 10 an kan thim i kei hi Hakha aiawh in winner a kan pek” tiah The Chinland Post ah a chim.
“Aa zuammi vialte lakah keimah lawng hi Chinmi ka si. Aa zuammi zapi vailte lakah mark tambik a pathumnak ka si. August thla ah khin Aung Paan ah i zuam than rih ding a si i kaa zuam than kho te hnga maw kaa fiang rih lo” tiah a chimchap.
About The Author
