Hakha GTI Hmun Ah Tayar Hluttaw Zung Sak Ding Bia A Fiang Cang
Salai Cung Cung |2018 September 5| Hakha GTI College ah Tayar Hluttaw zung an sak cang lai. A luancia thla ah Hakha GTI College hmun cu Chin ramkulh cozah nih Tarya Hluttaw zung sak ding timhtuahnak an ngeih mi cu Hakha GTI Siangngakchia nih duhlonak ca thanh an langhter ko nain a donghnak ah kaphnih hnatlaknak he Tayar Hluttaw zung sak ding ah bia a fiang cang.
“Anmah lei zong nih lung thul an timh ve lo caah kaphnih ca a tha bik lai tiah ruahnak he kan mah lei nih kan daih piak hna. Naypyidaw lei in Director te zong an rak phan i ceih khannak kan ngei, hi hmun caah hin Tayar Hluttaw zung saknak Budget kan hal hna , hi hmun hi kan ngah khawh lo cun Budget kir than ding dirhmun kan si an ti, cun hmun dang kawl an i timh ti lo caah a donghnak kaphnih caah a tha ding in kan mah lei nih kan pek hna hi a si. Kan mah kan sianginn hmun tu ah singinn dot hnih sak than ding in timh tuahnak kan ngei ” tiah GTI principle nih The Chinland Post ah a chim.
Kan mah lei in hi hmun pi hi va ngah ko hmanh usilaw cozah lei in tangka a kan pek lo cun zeitin hmanh in tuah nak ding a um lo, cucaah Naypyidaw lei in Director te zong an rak tlung le kan sianginn ah tonbiaruahnak kan ngei. Cu hnu ah kaphnih caah atha bik lai tiah ruahnak he kan pek hna. An mah lei zong nih bia kamnak a kan ngei ve , sianginn thar sak piak ding le practical room pawl le saya/mah um nak pawl kan in sak piak hna lai tiah kaphnih biakamnak kan ngei” tiah Hakha GTI College leader nih The Chinland Post ah a chim.
Hakha GTI sianginn hmun ah cozah Hluttaw zung saknak kong cu Hakha GTI siangngakchia nih duhlonak cathanh an chuah i cu cathanh cu rampi dih lak siangngakchia nih faak pi in tanpinak an ngeih ko hna nain a donghnak ah cun kaphnih ca a tha dingah Hakha GTI lei nih an daih piak than hna hi a si.+++
Tayar Hluttaw Zung Sak Ding Mi Kongah GTI Siangngakchia Nih Lungtlin Lonak Cathanh An Chuah
About The Author
