Chin Ramkulh Hakha Motor Gate Sak Ding In Developer Pathum An Auh Hna Lai

Salai Cung Cung |2018 August 8| Chin ramkulh Hakha motor Gate sak ding ah Developer pathum an auh i sok aduh mi Company paoh nih August 25 hlan ah form ap dih a si lai taih tiah kan theih.

“Chin ramkulh Hakha ah hin motor Gate pathum kan sak liopi a si. Falam lam lei ah pakhat, Gangaw lam lei ah pakat, Ruavazung lam lei ah pakhat tiin pathum hmun kan cawh lio pi a si. Falam le Ruavazung lei cu kan dih cang nain Gangaw lam lei hi Vun Kulh lam kan timi hi ekah 8.95 a kau i hmunkhat ah kaahnih in kan then. Cu kaahnih ah cun kaakhat hi kan dih cang kaakhat hi kan dih deng. A hmun i vawilei a cimmi vailte cu pumpululh chuihnak certual bantuk in kan tuah dih. Hi Gate sak ding caah hin mah hmun cawh lawng in aza lo, a dangdang nawncek tehna um lo ding ah le inn te hna tampi sak a hau lai. Cun ti le mei zong tuah a hauh lai caah mah vialte cu kanmah Sipin lawng in kan ti khawh ti lo caah Developer kan auh hna hi asi. Hi Developer cu Compay nih sok duhmi paoh nih rak sok khawh asi i a ngahmi Company le kanmah Sinpi he kan tuanti lai” tiah Chin ramkulh Sipin Director Pu Thla Hre nih The Chinland Post ah achim.

Hi Motor Gate hmun cawhnak ding caah budget pekmi cu Falam lam Gate caah sing 200, Ruavazung Gate caah sing 300, Gangaw lam lei Van Kulh lam gate caah sing 400 in voikhat le sing 500 in voihnih, a zapi sing 900 asi tiah kan theih.

“Hi motor Gate cu kanmah n le Company he kan i bawm lai. Gate sak timi cu a chung thilri a herhmi tamtuk aum. Ti, mei, innkhan, rawl einak, motor dirnak le riahnak tiang um dih a hauh caah kum 10 asilole kum 11 hrawng kan tuah lai i Company sin ah kan ap lai. Cun Company nih an tlaih lai i mah company nihcun ayin a ngah cang ti hnu ah kanmah sipin kut cungah a kan ap than te lai. Kanmah lawng in kan tuah khawh lai lo caah tubantuk in Developer kan auh hi a si” tiah a biapeh ah chim.

Form cu August 2 in an zuar cang i August 24 zanlei suimilam 4:00 tiang lawng an zuar lai. Sokmi cazin cu August 27, suimilam 10:00am ah kau/hunnak an tuah lai. +++

Na ruahning rak langhter ve.. (Leave a comment)

%d bloggers like this: