Hpapun Peng Thlacheu Chung Kahdohnak Ah SAC Ralkap 20 An Thi : KNU
The Chinland Post | 2023 June 15 — KNU hmunhma, Hpapun pengkomh, June thlacheu chung ah kahdohnak voi 30 leng a chuak i SAC lei 20 an thi, hliam a tuar mi an tam tiah KNLA Brigade 5 nih an thanh.
June thla zarh 2 chung ah SAC ralkap sakhaan pawl a thli tein voi 31 kan kah hna tiah an langhter.
Cu kahdohnak pawl ah KNLA Brigade 5 ralkap hliamhma a tuar mi le a nunnak liam mi an um lo tiah an langhter fawn.
SAC ralkap le KNLA Brigade 5 kuttang Battalion pawl, Company pawl karlak ah nifatin in kahdohnak a chuak tiah an thanh.
A luancia May thla chung zong ah KNU, Hpapun Brigade 5 hmunhma ah kahdohnak voi 200 a chuak i SAC le a kuttang BGF chungtel 122 an thi i 48 hliam an tuar. A thi mi chung ah ralbawi pawl zong an i tel tiah cathanh chung ah an langhter.
Cun May thla chung kahdohnak pawl ah SAC ralkap mawṭaw 6 le Stallion 6 an hrawh khawh tiah an ṭial. May thla chung ah Brigade 5 kuttang ralkap 2 an nunnak a liam i 10 hliam an tuar tiah KNU cathanh nih a langhter.
About The Author
