Hriamnan Lakmi A Tam Tuk Caah Cazin Lak A Har Ngai Tiah MNDAA Nih An Chim
The Chinlandpost | November 2, 2023 —Shan ram chaklei kahdohnak ah SAC sin in lak mi hriamnan a tam ngai cang caah cazin lak a har ngai cang tiah MNDAA biachimnak nawlngei Ly Kyarwen nih Myintkyina Journal ah a chim.
“Hriamnan lakmi cazin lak a harnak cu, nifatin kahdohnak ah pehzulh tein sakhaan lak a si caah hriamnan lakmi pakhat tein rel le cazin lak a harnak a si” tiah Lykyarwon nih a chim chap.
Operation 1027 unau hawikom phu 3 hruainak in thawk mi ni 6 chung kahdohnak ah SAC Tank 6, hriamnam meithal phuntling le bom, kuan tampi lak a si. Operation ni 7 tiang kahdohnak ah SAC sakhaan 90 leng lak a si. SAC ralkap a sungpe mi 100 leng, hliam a pu mi le ralbawi pa zeizah an i tel ti cu hunhimnak ruang ah langhter awk a ṭha rih lo. Kyukok Pansai, Phaungsai le Chin Shaw Haw khuapi pathum cu unau hawikom phu 3 kut ah a tla cang tiah Myint Kyi Na News Journal nih a langhter.
About The Author
