India Ah Nupa Khuah 500 Renglo I Hmunkhatte Ah Thit-umnak An Tuahti
City Hunter| 2018 April 7| India ram nitlak lei ah nupa khuah 500 renglo hmunkhatte ah thit-umnak puai an tuahti.
Tualchung chawbawmtu phu pakhat tawlrelnak le bawmhchanhnak in atu bantuk in nupa khuah 524 hmunkhatte ah thit-umnak an tuah hi a si. Nupa khuah hna cu nunphung thilthuam dawhdawh an i hruk i chungkhar, hawikom hna nih tlingte in an kulh hna i thit-umnak puai cu an tuah.
April 6 ah thit-umnak a tuahmi nupa khuah vialte hna cu motor cung ah kaiter in khuapi chung ah an vahpi hna i khuami hna nih thluachuah hampiaknak he an don cio hna. I fonhkomh thit-umnak puai a tuahpiaktu hna nih aa thi-umnak nupa khuah hna caah thit-um zan ihnak, rawlchuannak ah a herhmi thilri pawl zong laksawng an pek hna.
India ah monu hna chungkhar lei nih thit-umnak puai a dihmi chawva vialte liam dih a simi hi bia-alnak nganpi a chuakmi nunphung pakhat a si. Atu bantuk hmakhatte ah thitumnak puainak an tuahmi hi nunphung khuaruahnak le lungput a dohkalhmi a lo. India ahcun tampi a dih ti lomi i fonhkomh in thitumnak puai tuahtinak hi duhsah duhsah in a hung lar deuh i mi tampi nih an uar ngai cang tiah theih a si.
Ref: 7Day Daily News
About The Author
