India ram ah virus zawtnak ruangah caw le naa sing 1 deng an thi i sang 2 leng an zaw
The Chinland Post | 2022 September 30 – India ram ah zawtnak a karh caah caw le naa a zua mi pawl tangka luhnak an sung dih lengah hnuk chuah lonak, saram le a chuakka pawl caah buainak a chuah ter caah saṭil a zuami pawl fak ngaiin an sung tiah theih a si.
Takvun zawtnak tiah an auhmi atu zawtnak cu fikfa le zu bantuk in thi a dawpmi rungrul in aa chawnmi a si. Chawnh a tongmi caw le naa hna cu an zawtnak a fak i an takvun a bo.
Atu virus cu zarhthum chungah peng 15 ah a karh cang tiah Press Trust of India nih a langhter.
“Atu hi a thuk i a fak tukmi buainak a si i hi zawtnak hi a luancia kumhnih hrawng in a karh” tiah cinthlak lei thiamsang Devinder Sharma nih a chim.
South Asia ah a voikhatnak bik zawtnak a karh hi 2019 ah an rak hmuh i cu hnu ah India, China le Nepal tiang an i chawnh.
Atu zawtnak hi 1929 ah Zambia ah a voikhatnak bik an rak hmuh i Africa le a rauh hlan ah Europe a rak karh.
India ram ah caw a thimi pawl cu a bubu in an vui hna. Cheukhat hmunhma ahcun a thimi pawl an thu i a zawmi sakhaan pawl aihram thawng kha khuate pawl ah an theih. West Rajasthan a fak bik an tuar i caw 60,000 an thi i 1.4 million deng an zaw.
About The Author
