Kaladan Project Ah Rian Tianmi Hna Company Nih Thlahlawh An Pek Kho Hna Lo
TCP-Online| 2018 September 9| India le Myanmar ram chawlehnak miaknak ding ca ah an tuahmi Kaladan Project simi Chin ramkulh Paletwa le Mizoram ramri kar motor lam tuahnak ding ca innpi an sakmi i rian a tuanmi hna cu rianngeitu Company hna nih thlahlawh an pe kho hna lo.
India ram in C&C Company nih mah project hi an tlaih i Paletwa minung 100 leng nih rian cu an tuan i June thla in khan company nih cun riantuanmi hna thlahlawh an pe kho ti hna lo.
“Mah Company nih hin thlakhat kan hngak ta uh an kan ti. Tu tiang an kan pe hlei lo. Kan nih le nikhat tuan nikhat ei chommi kan si hna. Cunglei nih tangkaa an kan kuat rih lo ca a si ti an kan chim chel a dangdang in an kan chim i kan theithiam ve ti lo” tiah rian a tuanmi vemi Paletwa khuami pakhat nih a chim.
Paletwa khuami riantuan hna cu nikhat ah Kyats 8000-10000 kar kan in pek hna lai an ti i September 5 ni khan riantuantu hna nih cun C&C Company ah an va hal i bia dangdang chim in an rak terh hnawh, an pek khawh lonak kong.
Hiti Company lei nih riantuantu hna thlahlawh an pek khawh hna lo tikah Kaladan Project pi zong thla khat hrawng pehzul lo le riantuan loin an um ti kan theih.
Ref; Khonumthung
About The Author
