Kalay Ah Hmunthur Hlawnhnak Hmunhma Thar An Zoh
TCP-Hakha| 2018 November 15| Kalay ah hmunthur ningcang te hlawnhnak ding hmunhma thar cu Kalay Sipin Committee nih November 13 ah an zoh cang tiah kan theih.
Tu lio Kalay ah Hmunthur hlawnhnak hmun cu abit tuk caah hmunthar pawl ningcang tein hlawnh khawhnak hmunhma thar cu November 13 ah Hluttaw palai Daw Thant Wai Kyaw le Sipin Chairman le a hawile nih hmunhma zohfelnak an ngeih.
Kalay ah hmunthur hi nikhat ah Motor 30 peng nih nifatin in a thlet i ramthen Sipin zung nih hmunha a tha deuhmi an kawl lai tiah kan theih.
“Hi hmunthur hlawnhnak kong he pehtlai in Khuate cheukhat ah buaibainak a um ti thawngpang kan theih nain tu hi hmunhma kan kawl liopi a si caah kan hmuh rih hlan lo cu hika ah hin kan hlawnh rih ko lai. Hi hmun nakin a tha deuhmi le minung buaibainak pe kho ti lomi hmun ah a cozah tawlrelnak in hmunhma kaupi hmuh khawh ding ah kan dihlak ifonh in kan kawl lai” tiah ramthen Hluttaw Palai Daw Thant Wai Kyaw nih a chim.
Sipin committee nih khua zapi hmunthur hi tiva pakhat ah an hlawnh dih i cu hmunthur in chuah mi rimchia pawl cu pawngkam um khuami caah harsaknak tampi a pek hna tiah kan theih.
Ref: Khonumthung
About The Author
