Kalay-Tamu Asia Lampi Um Manmaw Khua SAC Ralkap Sakhan Cu Tamu PDF Battalion 4 Nih An Khangh
The Chinlandpost | November 8, 2023 — Asia lampi cung um Kalay-Tamu Manmaw khua SAC ralkap sakhan cu November 7 chun 2:00pm ah Tamu PDF battalion 4 nih mei a va khangh piak hna tiah theih a si.
Manmaw sakhan hi SAC ralkap le Pyusawhtii 20 hrawng an umnak camp a si. Mah sakhan cu PDF nih motor in a va kah. Sakhan ummi pawl an tli dih. Ralhrang pawl a thi mi theih a si rih lo. Sakhan cu mei an kan khangh khawh tiah PDF nih People’s Spring ah an chim.
November 3 zing ah KIA hruainak in mipi ralkap hna nih Asia lampi cung um Kalay-Tamu-Khampat peng 3 chung kahdohnak, November 7 ni tiang ah Wi Toh sakhan, Khampat Ralkap sakhan le Palek sakhan, Yarzagyo sakhan no. 1 le no.2, Myauksii palek sakhan hna an lak khawh i, mipi lei ralkap 5 nih ram caah nunnak an pek tiah theih a si.
Photo/ Tamu PDF battalion 4 ralkap hmanthlak
About The Author
