Kalaymyo Khuachung Ah Zuuri Pahnih Nih PDF Min Zuar In Tangka An Hal Hna
Salai Mangpau | 2023 August 23 — Kalaymyo khuachung, Aungtitsa sang, August 19 zaanlei ah pa pahnih bomb ken in PDF nih Dalan thahter ding in an kan fial tiah PDF min zuar in tangka an hal hna tiah khuachung um mi sin in thawng theih a si.
Pa 2 hi August 19 zaan sml 8:00pm hrawng ah Aungtitsa sang Beer dawr pakhat ah lut in Beer zuar nupa cu PDF nih tangka sing 100 MMK in an kan hlan mi kan si, thih nan duh lo ahcun tangka sing 15MMK kan pe uh tiah lihbia chim in tangka an hal hna.
“Pakhat a tung niam, a taksa a nak, a thau, a biang ah hmul a um, Kala muisam a cuang, a ṭang ah tattoo a um, a dang pakhat cu a tung a sang, tlangval mino te a si. An pahnih in zuu rim an nam, Bomb pakhat an rak i ken. Tangka an la hraw lo nain zuu thor an lak” tiah dawr ngei tu nih an chim.
Cun, dawr a ra mi pahnih zong khukbil ter in tangka 10000 an chuh hna hnu ah Aungtitsa sang um Kalaymyo Regional Operation Command ဒေသကွပ်ကဲမှု စစ်ဌာနချုပ် Quarter ah an lut tiah theih a si.
August 15 in Kalaymyo peng thlanglei khua kahdohnak ah Kalaymyo nichuak lei um Taungyo le Pintha Pyusawhtii khua 2 hna nih Meikhangh a tuar mi Thasii khua thilri an fir/an lakpiak hna. Mah kahdohnak ah Regional Operations Commands (ROC) ဒကစ nih Chemical hriam a hman tiah mipi ralkap sin in theih a si.
About The Author
