Khampat Khua Mipi Ralkap Nih An Lak Cang
The Chinland Post| November 7, 2023 — Khampat khua kahnak ah a hnubik a tang mi ralkap sakhan cu November 7 ah mipi ralkap nih an lak khawh cang tiah theih a si.
Asia highway lampi umnak Kalaymyo -Tamu-Khampat lei le Kalay-Gangaw lei um SAC sakhan cu mipi ralkap nih November 3 zing ah kahdohnak an thawk i Khampat myoma palek sakhan le Wihthok ralkap sakhan cu November 3 ni ah an rak lak cang. Khampat khua ah ralkap le palek sakhan pahnih an um.
Khampat khua kahdohnak, a ni 4 nak nihin November 7 ni ah ralkap sakhan hi an lak. Sakhan chung a ummi ralkap hi mipi ralkap nih ni 4 chung an kulh, an kah peng i, eidin tirawl an ngeih ti lo caah sakhan an tlik tak tiah khuachung mipi nih an chim tiah People’s Spring nih a langhter.
Sagaing ramthen chung ah Mipi ralkap nih lak hmasa bik mi cu November 6 ni ah Kawlin peng a si i a pahnihnak ah November 7 ni ah Khampat khua an lak hi a si.
About The Author
