KIA le SAC ralkap Myitkyina peng Tailwin khua pawng ah an i kap
The Chinland Post | 2023 March 2 — Kachin ram, Myitkyina peng, Tailwin khua pawng ah KIA le SAC ralkap karlah ah kahdohnak a chuak tiah KIA thawngthanhnak nih a langhter.
March 1 zinglei sml 10:00am hrawng ah KIA Brigade 2 nih a tlaihnak cuka hmunhma ah SAC ralkap pawl an luh caah KIA nih timhcia tein an rak kah hna hi a si.
Zinglei ah mins 20 hrawng ah kaphnih karlak kahdohnak a fak tiah theih a si.
Cun SAC ralkap nih kahdoh a chuahnak hmunhma pawng mipi an tlaih hna tiah theih a si.
Kahdohnak chung ah kaphnih lei a thi mi he pehtlai in zeihmanh an langhter lo.
About The Author
