Manipura Dam Nih Chin Le Sagaing Dengteo In Hlawknak A Pek Lai; Vice President Henry Van Thio
City Hunter| 2018 Tho 5| Chin ramkulh, Falam peng, Manipura Dam simanking hi Chin ramkulh le Sagaing ramthen caah dengteo in hlawknak a petu ding simanking pakhat a si caah zapi i bawmh in tuanchuah a herh tiah Rampi Vice President Henry Van Thio nih a chim.
A luancia September 28-30 tiang Chin ramkulh ah a rami Vice President cu Chin ramkulh Chief Minister Salai Lian Luai le Sagaing ramthen Chief minister Dr. Myint Naing he Manipura Dam an va zoh.
Manipura Dam simanking hi cinthlaknak ca lawng si lo in electric meitha a chuah kho dingmi simanking pakhat a si. Hi Dam tuahnak thawng in Manipura tiva lamthluan a tha lai i thil phorhnak le khualtlawnnak rian zong tampi a bawmhchanh lai tiah Vice President Henry Van Thio nihcun a chim.
Hi simanking tuanchuah ahcun tualchung leihmun ekah 80,000 tluk cinthlaknak ti a pek khawh lai. I tinhciami design ning in sak khawh a si ahcun electric meitha 380 Mega Watt a chuah khawh lai. Cun, tiva lamthluan i a ummi Kalay-Kabaw tilianh, tiphun tibantuk a zorter fawn lai tiah theih a si.
Ref: Khonumthung News
About The Author
