Mindat Peng Wonkhum Khua Vanlawng Kahnak Ah Hngakchia Pakhat Telh In Nu Pahnih An Thi
Salai Mangpau | July 8, 2023|
Mindat peng Wonkhum khua ah SAC vanlawng nih vanral in bomb a thlak ruang ah Nu 3 an nunnak a liam tiah The Mindat Post nih a chim.
July 8, 2023 zing 11:00 hlei hrawng ah SAC vanlawng cu khuacung a rat lei bomb voi 1 le a kir lei bomb voi 2 tiah a dihlak bomb voi 3 a thlak. Mindat khua SAC hrambunh battalion 274 tiang in hriamngan an hun kah chih. A thi mi ah thla no a pom lio nu pakhat a tel. Nu pakhat kum 8, Kum 25 le kum 60 hna an si.
“Jet fighter vanlawng hi khuachung um sianginn le a pawngkam inn pawl ah bomb a thlak.
Inn 2 le sianginn a rawk dih. Hliam a pu mi zong an um. A tu a zualhma mi Sii ai in an zohkhenh lio” tiah mipa ralkap nih an chim.
“June thla dih lei Mindat peng lungkhe khua ah SAC vanlawng nih kahdohnak ruangah Buddha Seti, phungki sianginn le inn 3 a rawk. Mindat peng ah SAC le Mipi ralkap raldohnak a um pah lengmang i a tu ah SAC nih vanlawng hmang in mipi umnak khua ah bomb a thlak hi a si” tiah Mipi ralkap lei nih an chim. Curuangah Vanlawng ral vennak le hriamngam khamnak ah khur cawh cio ding in Mipi lei Pengkulh Administration zung lei nih july 1, 2023 kum ah thawngthanhnak a tuah.
Photo: The Mindat post, July 8, 2023 vanlawng kahnak a tonmi Wonkhum khua,
About The Author
