Mongmit Um Ralkap Sakhaan 2 KIA Phufonh Nih An Lak
The Chinland Post | 2024 January 15 — Shan ram chaklei, Mongmit peng ah ralkap le KIA phufonh hna karlak ah kahdohnak a chuah hnu ah ralkap sakhaan 2 cu an lak khawh tiah Mongmit pengkomh KPDF nih an thanh.
KIA Battalion 34, ABSDF, KPDF le ralkap karlak ah January 1-11 tiang kahdohnak a chuak.
January 11 ah Mongmit peng, Kamanpat khua pura tlang ah hmunhma an khuarnak ralkap sakhaan cu January 1 ah an lak khawh i Mongmit peng, Ongchaw khua ti-in mei laknak zung zong kan lak khawh tiah Mongmit pengkomh KPDF nih an thanh.
Manphuai khuahlun pura tlang pawng, January 9 zong ah ralkap le KIA phufonh hna karlak ah kahdohnak a chuak i ralkap lei nih vanlawng in kahdoh an rak bawmh ko hna nain KIA phufonh lei an him tiah theih a si.
Ongchaw khuathar ti in mei laknak zung ah hmunhma a khuar mi ralkap an kah hna i ralkap 7 an thi, 7 an i hliam i 5 an zaam tiah theih a si.
Mongmit peng, Ongcaw khuathar cu Shwezarli ralkap nih January 12 ah hriamngan in an kah caah mipi inn cung ah a tlak i nuva hna an thi tiah theih a si.
About The Author
