Myanmar Ram Covid Pulrai Lio Sifahnak A Let 8  A Kai

Salai Bawi Lian Sang| TCP-Kalay| December 4, 2020| Myanmar ram COVID pulrai ruangah Sifahnak let 8 cung a kai tiah US ram hrambunh, International Food Policy Research Institute (IFPRI) thawngzamhnak nih a langhter. November thla hramthawk in sifahnak zatuak 7% a sinatein a tu 60% cung lei a kai tiah a langhter.

IFPRI thawngzamhnak he pehtlai in IFPRI Myanmar ram zung um mi Derek Headey nihcun Yangon, Upper Mandalay, Sagaing, Magwe ramthen um khua te ah hlat hlainak kan tuah tiah a chim.

Myanmar ram chung minung pakhat nihlawh hmuhmi tangka US$ 1.90(Kyat 1300) lawng a si. Nihlawh hmuhmi nih sifahnak alanghter ning cu Mr. Headey nih cun, “Tu kum hramthok April thla lockdown ruang ah Peng chung um khua pi Sang/veng ah sifahnak an tuar ning cung lei a kai. 7% in 30% tiang a tla diam mi hi thinphan a si ko. Cun khua te lei he aa khat ko. July le August thla ah tlawn te a vun tha than natein August thla dih lei Rakhine ramkulh Covid pulrai a hun karh than ruangah ramchung peng kip tiang zawtnak a karh. Mah zawtnak nih sifak nak tamtuk a chuah pi.

Cozah nih bawmhnak a pek mi kong ah, Mr. Headey nih “ tuan deuh ah mipakhat kyat 20000 an pek mi nih sifahnak in mi tampi an luat kho hlei lo. Kyat 40000, 60000 tiang bawmnak a pek khawh peng hna ah cun thil sining tampi aa thleng kho ko lai. Sihmahsehlaw kumkhat chung cozah lei nih pek ding in budget tampi a ngaih herh ve. April in May thla tiang ah covid pulrai sii hman khawh a si ah cun, a tu December thla thok in a ra dingmi 2021 kum in thla 9 tiang cozah lei nih bawmhnak pek khawh ding in timh tuah nak a ngeih a herh. IGC nih milu relnak cazin ning in veng le sang, khuate kip khuabawi hna sin in sifahmi cazin tha tein lak khawh zong a herh ko” tiah Mr. Headey nih a chim. Crd: VOA Burmese News

Na ruahning rak langhter ve.. (Leave a comment)

%d bloggers like this: