Namhsan Palek Sakhaan In Hriam Phun 14 Kan Lak Khawh: TNLA
The Chinland Post | 2023 December 12 — Shan ram chaklei, Namhsan peng palek sakhaan cu TNLA nih December 11 zinglei ah an lak i hriam phun 14 zong an lak khawh tiah TNLA nih thawng an thanh.
December 11 zinglei ah Namhsan peng ah a um mi ralkap sakhaan pakhat, palek sakhaan pakhat le Lashio peng sakhaan pakhat cu TNLA nih an lak khawh hi a si.
Palek sakhaan lak kahdohnak chung ah hriam phun 14, kuanzen le kahdohnak thilri tampi an lak khawh tiah hmanthlak he thawng an thanh.
December 12 ah ralkap Man-ton sakhaan in Namhsan lei ah hriamngan voi 5 a kah i vanlei zong in Y12 nih bom voi 2 a thlak tiah theihternak an tuah.
About The Author
