Northern Commander Hlun General Myat Thet U Thong Kum 10 An Thlak
The Chinland Post | January 13, 2024 — Myitkyina hrambunh, Northern commander ralbawi hlun General Myat Thet U cu SAC lei nih thong kum 10 thlak ding in bia an khiah tiah theih a si.
Laos ram Myanmar Ambassador rian a tuan lio ah SAC Naypitaw lei nih an auh hnu ah ralkap biaceihnak zung nih thong kum 10 thlak ding in bia an khiah hi a si.
General hlun Myat Thet U hi zeibantuk upadi in taza an cuai le thong an thlak ti hi fiang tein theih a si lo i thong kum 10 thlak mi Northern commander ralbawi hlun General Ko Ko Maung hi sual tuahnak he aa pehtlai mi thil an tuah theu lai tiah lunghrinh mi an si.
General ralbawi hlun Ko Ko Maung sual phawhnak hi Sagaing le Hpakan ram ah kuan le zen phorhnak ah ei hmurnak tuah le Hpakan ah Lunghring le sui cawh nak ah ei hmurnak a tuah tiah thong kum 10 an tlak hi a si.
DSA batch 38 sianginn chuak General Myat Thet U hi SAC nih uknak a lak hnu ah Northern commander rian an pek i ralkap duhlonak lam zawh mi hna mipi kahnak le tlaihnak ah nawl a pe bik tu ralbawi a si tiah BMC Media sin in theih a si.
Photo/ thong 10 thlak mi Northern commander rawl bawi hlun General Myat Thet U
About The Author
