Pakokku-Yesagyo lam ah SAC ralkap mawṭaw 2 an kah hna, SAC ralkap 10 an thi i hriam tampi an lak khawh
The Chinland Post | 2023 February 7 — Magway ramṭhen, Pakokku-Yesagyo lam ah SAC ralkap nih an rak i cit mi mawṭaw 2 cu an kah hna i SAC ralkap 10 an thi, hriam zong an lak khawh tiah Pakokku pengkomh PDF B03 nih a thanh.
February 4 zaanlei sml 4:30pm hrawng ah Pakokku-Yesagyo lam ah SAC ralkap pawl nih an rak i cit mi mawṭaw 2 cu Pakokku pengkomh PDF B03 nih an kah hna i SAC ralkap 7 a hmun ah an thi, mawṭaw 1 a zaam manh i CR-V mawṭaw aa rak cit mi SAC ralkap 3 zong sizung ah an thih chap caah an zapi te 10 an thi, 3 fak tuk i an i hliam i hriam zong an lak khawh tiah theih a si.
Kahdohnak hi mins 5 hrawng a rau i PDF pawl an him tiah theih a si.
Kahdohnak chung in
- Carbine zuun 6
- Carbine kuanbawm 6
- Carbine kuan 146
- MA4 zuun 1
- MA4 kuanbawm 5
- 5.56 kuan 94
- Grenade 3
- 40MM bom lung 4
- Phone 3
- Power Bank 1
- Equipment 1
- Ti bu 1
- Super Custom
- Kuan hawng 3 hna an lak khawh tiah theih a si.
About The Author
