Turkey, Syria lihninhnak ruang ah a thi mi 7,800 leng an phan cang
The Chinland Post | 2023 February 8 – A thi mi 7,800 leng an phanhnak Turkey le Syria ramri i a thazang ṭhawng tak mi lihninhnak ruang ah a rawk mi le a cim mi tang ah a nunnak a him mi pawl kan kawl hna lio ah laihri tan rih lo in a rak um mi hngakchia 1 zong February 7 ah an khamh khawh.
Hngakchia nu le pa telh in an chungkhar 7 ning tein an thi tiah bawmtu Saleh al-Bardan nih VOA ah a chim.
January 6 ah thazang 7.8 a ngei mi li a hnih ruang ah innlo a thong in a cimh caah a tap mi zeizah dah an um rih ti theih a si lo. Lihninhnak ruang ah minung a million in an i hliam kho tiah an ruahdamh.
Li a hnihnak a laifang a si mi Turkey ram, Gaziantep le Kahramanmaras khua hna cu minung umnak inn a tlar in a cimh caah a tuar bik an si. Cucaah Turkey President Recep Tayyip Erdogan nih a ram chung nichuah thlanglei hmunhma 10 cu thla 3 cu Emergency dirhmun a thanh. American, China le adang ram 12 leng nih bawmhnak pek ding in bia sn i kam.