Paletwa Peng Ah Ralzaam Minung 2600 Leng An Phan
Salai CungCung |2019 April 22| Kawl ralkap le AA kar kahdohnak ruang ah Chin ramkulh Pelewa peng ah ralzaam minung 2600 leng an phan cang tiah Paletwa peng zatlang bu bawmhnak cazin ning in kan theih.
Paletwa peng zatlang bu bawmhnak petu hna nih April 11 tiang min cazin an lak ning ah Paletwa peng khua 18 inndong 544 minung 2640 cu kahdohnak ruang ah khua le ram kal tak in an um caah bawmh an herh ko tiah zatlang bu bawnhnak petu Chairman U Wai Thang nih a chim.
‘Tu lio cu eidin lei an har ngai, kanmah ruah ning ah cun an lo thlawhmi a zat hlan chung thla linga hrawng cu bawmh an herh rih ko lai. Khua lei kir than ding hi an ca tihnak le thinphannak lawng te a si. Cucaah khua lei kir than lo in khua dang ah rian va tuan in khua sak an duh deuh” tiah U Wai Thang nih a chim.
Ralzaam pawl cu an mah le khua ah tangka hmuhnak lei rian a um lo pin ah an khua le an ram daihnak a um lo caah bawmhnak tampi an herh ko tiah a chim chap. Ref: Khonumthung
About The Author
