May 24, 2024

Paraguay President Nih Hluttaw Palai Tuan Dingah A Rian A Chuahtak

0

Salai Aung Aung| 2018 May 29| Tulio Paraguay President Horacio Cartes cu April 22 tuahmi ramhun thimnak ah hluttaw palai hmunhma pakhat ah teinak a hmu i tu lio a tlaihmi president rian cu a chuahtak lai tiah cawnni khat ah khan thawng an thanh.

Voikhat ah rian hnih kemh kha a hrial duh caah tu bantuk in president rian a chuahtak nak hi a si tiah theih a si.

“Paraguay ram president rian in ka chuak cang lai tiah thawng kan thanh hna. Ram caah hluttaw chung in rian kan tuan lai i thimnak cuh lio ah mizapi nih an halmi pawl he aa mil in tu president rian ka chuah tak nak hi a si. Pathian nih Paraguay ram thluachuah pe ko seh” tiah President Horacio Cartes nih thawngthanhnak ah a tial.

President cu kum 68 a simi tu lio Vice President Miss Alicia Pucheta nih a chan lai. Amah hi Paraguay ram tuanbia ah a hmasabik nu president a tuan ding mi nu a si.

Pucheta cu August 15 tiang president a si lai i cu hnu cu April 22 ah tuahmi thimnak i Colorado party in a tling mi Abdo Benitez nih kum nga chung president cu a tuan te lai.
Ref: Channel Newsasia, Mizzima

About The Author

Na ruahning rak langhter ve.. (Leave a comment)

%d bloggers like this: