Pu No Than Kap; Chinmi Nih Kan Sungh Fak Bikmi Cu Nawlngeihnak A Si
????????????????????????????????????
The Chinland Post| 2019 August 26| Chinmi nih kan sunghmi thil tampi lakah a fak bikmi in kan sunghmi cu nawlngeihnak a si tiah CNLD party in Vice Chairman Pu No Than Kap nih Hakha CNLD party zung hunnak tuah lio ah a chim.
“Cozah chan a dotdot in Chinmi nih kan sunghmi thil tampi a um. Cu vialte kan sunghmi lakah a fak bikmi cu nawlngeihnak a si. Atu ahcun kan ram, kan vawlei, kan miphun lakah kanmah Chinmi nih nawlngeihnak ngei kho ti lo in miphun dang nih a kan uk, anmah nawlngeihnak tang ah kan um. Cu ruang ah Chinmi nih kanmah le kanmah kan i bochan kho ti lo, miphun dang kan bochan deuh cang hna. Miphun dawtnak le tanhnak lungput a kan ngeihter kho ti lo. Nawlngeihnak kan ti tikah cozah va ser lawng khi a si lo. Chinmi nih ram cu kan dawt dih nain a dawtning kan thiam lo. A dawtning kan thiam ahcun kan sunghmi vialte kan hmuh than khawh ko lai. A biapi bikmi cu Chinmi nih lungrualnak he miphun le ram kan dawtnak kan thinlung putning fiangte kan hmuhsak khawh caan a za cang. CNLD party nih cozah a ser lo zong ah Chin mizapi nih ram dawtning an thiam paoh ahcun a za ko, cucu kan duhmi le kan i tinhmi a si” tiah Pu No Than Kap nih a chim.
“Chin party nih cozah an ser kho lai lo tiah social media ah an aukhuang. Cozah kan ti tikah hin phunhnih a um; cucu ramkomh cozah le ramkulh cozah an si. Ramkomh cozah cu Chin party nih kan ser kho lai lo. Asinain, ramkulh cozah cu Chin party nih kan ser khawh tuk. Cu bantuk teinak cu Chinmi nih miphun dawtning kan thiamnak thawng in a si lai. Cucaah, Chinmi nih nawlngaihnak kan tlolhmi le covo vialte hi a ralaimi thimnak ah Chin mizapi nih kan thinlungput in langhter khawh a herh cang. Chin miphun nih kan duhmi ukhruainak phung, covo le nawlngeihnak cu Chin mizapi kutcung ah a um. Cucu, 2020 thimnak ah kan langhter khawh caan a za cang” tiah a chimchap.
Hika ah video clip zoh chap khawh a si.
About The Author
