October 12, 2025

SAC nih Chin ramkulh ah pengkomh 2 a ser chap, Myanmar ram ah pengkomh 121 a um cang lai

Expansion of District (5.2.2022)

The Chinland Post |2022 May 2 – State Administration Council (SAC) nih ramp pumpi in ramkhel lei, uknak lei, sipuazi lei, zatlang nun a tluan deuh khawh nak hnga caah le hmunkip a ṭhancho khawh nak hnga caah tiin Myanmar ram ah pengkomh 75 in ṭhen a rak simi chung in pengkomh 46 bet chap a si cang tiah Ministry of Home Affairs nih April 30 ah a thanh.

Chin ramkulh cu Falam, Matupi, Mindat le Hakha tiah pengkomh 4 ah ṭhen a rak si i SAC nih Tedim le Paletwa tiah pengkomh 2 a bet chap tiah theih a si.

Nay Pyi Taw ah pengkomh 2 a rak um cia cangmi chung in pengkomh 2 ser chap a si. Kachin ram cu pengkomh 4 in ṭhen a rak si i a tu cu pengkomh 2 bet chap a si. Kayah ram ah peng komh 2 a um i pengkomh 2 bet chap a si. Kayin ram zong pengkomh 4 a rak um cang i pengkomh 2 chap ṭhan a si.  Sagaing ah pengkomh 11 a rak um i peng komh 2 bet chap a si.

Cu bantuk in, Taninthayi ah 1, Bago ah 2, Magway ah 2, Mandalay ah 4, Mon ah 2, Rakhine ah 2, Yangon ah 10, Shan ah 9, Ayeyawady ah 2 tiah pengkomh pawl bet chap an si.

Myanmar ram cu pengkomh 75 in ṭhen a rak si nain SAC nih pengkomh 46 a bet chap caah SAC tang ah a zapi tein pengkomh 121 ser a si cang tinak a si.

About The Author

Leave a Reply

Your email address will not be published. Required fields are marked *