SAC Ralkap Chung Thongtla 645 Cu Luatnak Pek In Ralkap Riantuan Ter Ṭhwnnak Kong Ah Ministry Of Home Affairs Zung Bia An Hal Hna
The Chinlandpost | December 31, 2023|
Ralkap Council nih tongtla ralbawi hlun le ralkap 645 cu luatnak pek in ralkap rian an ṭuanter thannak kong ca an chuah mi a leng chuah sual caah Ministry of Home of Affairs cu Naypitaw ralkap hlathlai tu Sahyahphah စစ်ဘက်ရေးရာလုံခြုံရေး lei nih an hlat cuahmah lio a si tiah theih a si.
Khit Thit Media nih December 21 ah Ministry of Home Affairs Minister Lieutenant General Yar Pit he aa pehtlai mi, ralbawi hlun minung 7 cu GAD Director rian kaiter ding kong ca an chuah mi cu a leng ah a thang.
December 23 ni ah Myanmar ram dothlennak a tuahtu mipi ralkap he kahdohnak ah SAC ralkap a thi mi an tam caah ramchung thongtla pawl ralbawi telh in ralkap 645 cu thonginn in luatnak pek than le ralkap riantuan than an sinak biathli ca cu a leng a thannak kong kha Khit Thit Media nih a rak langhter. Mah bantuk biathli ca chuah mi a leng chuah ruang ah Sahyahphah စစ်ဘက်ရေးရာလုံခြုံရေးအဖွဲ့(စရဖ) nih Naypitaw Home of Ministry affairs zung riantuantu pawl cu auh in an hlathlainak an tuah cuahmah lio hna. Ministry of Home Affairs bawi hlun Lieutenant General Soe Htut chan lio zong ah SAC central lei biaceih mi a leng an chuah ruang ah Soe Htut zong rian phuahnak le eihmurnak in thongthlak a rak tong.
Minister Home of affairs L.t General Soe Htut cu Bahtoo, 64th intake chuak ralbawi a si i, September zarhhnihnak lio ah eihmurnak kong he pehtlai in tlaih a rak tong. L.t General Soe Htut a pa hi ralbawi hlun Brigadier General Lun Maung a si.
SAC lutlai hruaitu L.t General Moe Myint Tun le L.t General Soe Htut cu an rianṭuannak in dinhter an si. Anmah aiawh ah General Maung Maung Aye le L.t General Nyo Saw rianpek a si nak kong cu September 25 ah SAC buzik Min Aung Hlaing minsenthutnak in cathanh an rak chuah.
SAC bawizik Min Aung Hlaing nih a zumh ngai mi SAC lutlai eihmurnak siangpahrang Lt. General Moe Myint Tun le amah hnuzul-orhlei kut a si mi Brigadier General Yan Naing Soe cu Myanmar tangka man ngeih lo nak kong hna dothlat ding in SAC bawizik nih bia cahnak a ngeih hnu in a leng lei Sui zuar, dollar zuar, rampi mualphoternak, zulhphung buarnak, a dik lo ningin laksawng laknak, phungning lo in ramdang tangka i chiahnak telh in mawh phawtnak dangdang he Lieutenant General Moe Myint Tun le Brigadier General Yan Naing Soe cu eihmurnak he pehtlai in October 10 ah thong kum 20 thlak ding in biaceih an rak si.
About The Author
