Tedim Ah Hngakchia 1 Bomrap Aa Lamh Sual I A Ke Khatlei A Bul
The Chinland Post | 2023 October 4 — Chin ramkulh, Tedim khua, September 30 ah kum 12 hngakchia pakhat cu bomrap aa lamh sual caah a orhlei ke an tan tiah theih a si.
Nu Nyaung Ngaih Nuam cu SAC ralkap LIB 269 nih hram an bunhnak tlang pawng ah thing a hlam lio ah bomrap aa lamh sual hi a si tiah an chim.
Nu Nyaung Ngaih Nuam cu Sagaing ramṭhen, Kalay sizung ah aa thlop lio a si. Aa lamh mi bomrap hi SAC ralkap pawl nih an phum mi a si tiah khuami hna nih an chim.
Chin ramkulh ah hramhram in uknak lak a si hnu thawk in 2023 August tiang bomrap ruang ah mipi 20 an thi cang i 37 an i hliam cang tiah CHRO nih September 11 ah a thanh.
About The Author
