Texas ah a ummi Primary sianginn cu mipa pakhat nih meithal in a kah, minung 21 an thi

The Chinland Post | 2022 May 25 – American ram, Texas State, Uvalde khua Primary sianginn ah meithal aa putmi pa pakhat nih chung lailing ah sianginn chung ummi meithal in a kah hna i hngakchia 18 le upa 3 an thi tiah theih a si.

Uvelde khua hi San Antonio khua hnulei meng 80 aa hlatnak ah a ummi a si.

Meithal kaptu pa hi kum 18 lawng a si rihmi Salvador Ramos a si i palik pawl kut in Primary sianginn chungah a thi beh tiah Uvalde Mayor nih a chim.

Cu thil a can tlawmpal ah President Joe Biden nih White House le cozah zung pawl nih  ngaihchiatnak langhternak caah thandar a lai tiang lawng thlai ding in nawl a chuah.

May 28 tiang thandar a lai tiang an thlai lai tiah cathanh ah an telh chih.

American ram ah mipi a phuphu meithal in kahnak pawl a cang lengmang.

A luancia kum ah atu bantuk thil sinning voi 61 an rak cang i cu hlan kum nak in a tam deuh. Kum 20 chungah meithal kahthahnak a tambik kum a si tiah FBI nih tuzarh an report ah an telh.

CNN thawngzamh chim ning ahcun, meithal kaptu pa hi mawṭaw in a raa i sianginn chung a luh hnu ah Rifle zuun khat le pistol pakhat in a kah hna hi a si tiah a chim.

Na ruahning rak langhter ve.. (Leave a comment)

%d bloggers like this: