Thaizing NAPC Paih Zuamnak Ah Ahodah World Champion A Co Lai?
Tawk Tling Thang| 2019 February 8| NAPC (North America Paih Committee) tawlrelnak in tuah dingmi paih zuamnak cu thaizing (February 9), suimilam 10:00am-11:00pm tiang Indianapolis ah an tuah cang lai. Uk Ling Thang zong i pai ding in Indiana a phan cang. Ahodah World Champion a co lai?
NAPC nih tuahmi paih i bual cotu cu “World Champion” tiah 2016 lio ah min an rak pek cang bantuk in tukum cu kan paih a thancho chinnak hnga tiah ramdang um mi kan Lai pathawng pawl, Australia Champion Aa Nawl Khenglawt, Denmark Champion Van Ceu Lian, le Norway Champion Tha Hlei Cung tibantuk pathawng pawl zong an sawm hna. Sawmmi hna nih cohlannak le timhtuahnak zong fakpi an ngei cio cang. Hniarlawn pathawng Uk Ling Thang zong Indianapolis a phan cang tiah kan theih.
NAPC paih zuamnak ah laksawng hna cu;
World champion : $ 7000
Zuamcawh pahnihnak : $ 3000
Zatlang bualco : $ 2000
Tambik teitu : $1000
Paih dawhbik : $ 500
Zuamcawh quarter final phanmi: $200
Zuamcawh semi phanmi : $ 300
Minung pakhat tei : $ 20
Zuamcawh aa paihmi paoh: $ 50 pek an si lai.
Nikum NAPC paih zuamnak zatlang ah bualcotu cu Hriphi khuami Sang Hlei Thang a si. Zuamcawh paih ah World champion a cotu Halkha in Sui Chan a si. Minung tambik a teitu le paih dawh bik laksawng cu Mang Biak (Zophei) a si, minung 12 a tei hna.
Tukum paih zuamnak ah Zatlang le zuamcawh tiin zuamnak phunhnih a um lai. Zuamcawh aa paih dingmi zong zatlang ah duh paih in i paih khawh a si lai. Zuamcawh cu minung 16 lawng paih onh a si lai. Min a pemi chung in credit tha deuh le minthang deuh kha thim an si lai.
Paih tuahnak hmun cu;
A caan: 10:00am – 11:00pm
—Emmerich Manual High Schoo
2405 Madison Ave, Indianapolis, IN 46227 ah a si lai.
Hi paih zuamnak ah CCI chungtel upa pahnih, CBCUSA chungtel upa zong an sawm hna. Paih caah Paih thawng 2016 Denmark le Europe Champion Van Ro Hlawnceu le Uk Ling Thang, cu pin ah Amarillo TX in Pathawng tampi zong an i tel lai. Ahodah tukum ah bual a co in world champion a co lai?
Hi paih zuamnak cu a hmun i a kal kho lomi caah PAY-PER-VIEW in Hika ah cawk khawh a si.