Thantlang khua cu SAC ralkap nih khangh ruangah inn 135 a kang chap
The Chinland Post | 2022 May 31 – Chin ramkulh, Thantlang khua cu May 24 le May 26 ah SAC ralkap nih an khangh ṭhan i inn 135 a ciam tiah Thantlang Placement Affairs Committee nih May 31 ah a thanh.
SAC ralkap le CDF-Thantlang, CNA cu 2022 May thla 23 le May 27 ah kahdohnak a rak chuak i SAC ralkap 12 an rak thi. Cu lioah, SAC ralkap nih Thantlang khua an rak khangh ṭhan hi a si.
SAC ralkap nih a luancia 2021 September thla thok in Thantlang khua cu a khangh lengmang i 2022 May 26 tiang telh in voi 28 an khangh cang i inn 1,000 leng a ciam cang tiah theih a si.
About The Author
