Thantlang Khuachung AC Nylon Kat-ta-ya Tuthla Dih In An Phah Lai

Thantlang khuapi

Salai Elvis| 2019 February 15|Chin ramchung ah AC Nylon Kat-ta-ya phah dingin a pahnihnak rian papek a simi Thantlang khua cu 2019 February thla dih in rian an thok cang lai tiah kan theih.

AC Nylon Kat-ta-ya phahnak ding hmanrua set thilri pawl zong an bunh lio pi a si i AC an phah hlan ah lam aa rualnak ding an tuah lio a si. tukum chungah khuachung ah ramkulh cozah budget Ks. ting 7,000 hrawng dih in lam thlurpi mengkhat le falong pakhat chung an phah chung lai tiah kan theih.

“Atu hi AC Nylon Kat-ta-ya phahnak ding set kan bunh lio a si rih. Cun a mah AC kat-ta-ya phah colh awk a that rih lo caah aa ruannak dingin (Level) kan phah chung i a hnu ah a mah AC Nylon Kat-ta-ya nih a vun zulh colh lai. Tu thla dih hrawngah kan phah kho colh te hnga maw dik. A ruang cu seh phunkhat lawng a um rih caah adang a herh mi seh pawl cu a tu Hakha an phah dih khin an kan pek theu te lai dah ka ti. A mah AC vun phah tak khi cu a rau ti lai lo ni 15 hrawng a rau te lai. Khualam thlurpi, Hakha lei in vun luhnak khualuh hauka in Market sang Lamtonnak tiang khankhat le falong pakhat chung phah a si lai” tiah Thantlang sakremhnak zung lutlai Pu Tin Peng Lian nih The Chinland Post ah a chim.

Thantlang khuachung AC Nylon Kat-ta-ya cu papek in phah piak ding cu 2018 February thla thok ah VP Henry Van Thio avoi hnihnak Thantlang a rak tlawn lio khuanu/pa hna nih an rak bal mi zong a si tiah kan theih.

Na ruahning rak langhter ve.. (Leave a comment)

%d bloggers like this: